Cogok Mancogok
Artist: Lagu Minang
Cogok mancogok, mancogok lah diak
Dari jandela di baliak tirai
Lah lamo kito tak batamu pandang
Cogok kan lah diak muko nan janiah
Lah lamo kito tak batamu pandang
Cogok kan lah diak muko nan janiah
Rindu lah lamo nan den tangguangkan
Basuo usah co urang tak tahu
Denai kok tibo Uda jan bajalan
Tarumuak badan dek manantikan
Denai kok tibo Uda jan bajalan
Tarumuak badan dek manantikan
Tingkah batingkah usah dibuek
Janji nan lamo kito paarek
Kok kanai berang dek urang gaek
Marilah kito pai barangkek
Iyo baitu kok samo namuah
Bumi baputa jan dicamehkan
Jo cinto denai usahlah ragu
Dima tibonyo kito nantikan
Jo cinto denai usahlah ragu
Dima tibonyo kito nantikan
(Ciptaan Masroel Mamudja, Dipopulerkan oleh Elly Kasim dan Nuskan Syarief)
©ourtesy of http://laguminanglamo.wordpress.com/
Lagi ini bikin kamu merasa:
Lagu ini cocok didengerin ketika: